مشروع تربية السمان برأس مال صغير

هو طائر صغير الحجم يستخدم فى إنتاج البيض واللحم ويمكن ان يساهم بشكل كبير فى حل مشاكل كثيره ظهرت فى مجتمعنا حيث ان هذا الطائر يمكن ان يعوضنا عن اللحوم ويمكن ان يكون سببا فى حل مشكلة البطالة حيث انه لا يحتاج إنشاء مشروع الى تكاليف عاليه ولاكن اقل التكاليف وهذا ما سوف نراه فيما بعد .
وعموما طائر السمان لحمه خالى من الكولسترول.

مميزات بيض و لحم السمان

يمتاز لحم طائر السمان بأنه طرى ناعم خالي من الكولسترول سهل الطهي مستساغ ويتميز بيضه بمزاق البيض البلدى المربى فى المنازل ليس به اى رائحه ونلاحظ ان نسبة الصفار مرتفعه كما ان الانتاج الغزي يميزه .

انواع طائر السمان
يوجد نوع يسمى امريكى وياباني واسترالي وافضل الانواع من وجهة نظرى من حيث انتاج البيض واللحم هو السمان الياباني.

الاهمية الاقتصادية


1 - دورة راس المال سريعه حيث يتم البيع فى 45 يوم وكمية العلف المستهلكه فى حدود 450 الى 500 جرام ويصل الوزن الى 150-180 جرام فى نهاية ال 45 يوم واقل .

2- طبعا قلة التكاليف
3- مصدر للبروتين الحيوانى
4- انتاجه عالى من البيض يصل الى 250-300 بيضه
5- مدة التفريخ تصل الى 16 الى 17 يوم
6- يتحمل الظروف لا يتحملها اى طائر وعن تجربه
7- طائر السمان النضج الجنسى مبكر اقل من 45 يوم.

المكان
طبعا لو مشروع صغير انا مش هتكلم عن الحجات القياسيه لا انا هتكلم لو حد عاوز يربى ويعمل مشروع صغير او كبير يعنى لو عندك مثلا مكان 50 متر مربع هنصمم عليه المشروع لان السمان المتر المربع بيكفى حوالى 50 طائر من عمر يوم حتى عمر التسويق اللى هو 45 يوم كده المكان طبعا بعدين هنقسم المكان .

مصدر السمان

اى مصدر موثوق به ممكن نجيب بيض او سمان عمر 45 يوم يبيض على طول طيب انا برشح طبعا ان تجيب بيض لان سعر البيضه 35 قرش يعنى الف بيضه ب 350 جنيه طيب لو حبيت تجيبه سمان طبعا الإلف يكلفك 5000 الف جنيه لو عمر 50 يوم بس طبعا دى ليها مميزات ودى ليها مميزات .

بعد ما جبنا البيض او السمان
هنعتبر اننا جبنا البيض هيبقى محتاجين مفرخه طيب سعر المفرخه يتراوح مابين 1800 ال 8000 جنيه .

 فى مشكله ان المفقس بتاعها صغير دى ولا مشكله ولا حاجه بسيطه جدااااا ليها حل بسيط قوووى هندخل البيض فى السيتر (الحاضنه ) على دفعات معلش انا بكلم باللغه العاميه علشان كلامى يكون واضح شويه هو السيتر اللى هو الجزء اللى فوق فى المفرخه اللى بنحط فى البيض لمده 15 يوم والهاتشر هو الجزء السفلى اللى فى المفرخه يعنى الهاتشر عيب المفرخات دى ايه ان الهاتشر والسيتر مع بعض بس زى ما قلنا هندخل على دفعات طيب هندخل كل 3 ايام 500 يعنى خلال 12 يوم هندخل 2000 ننزل 500 الاولى فى الهاتشر وبعد كده ندخل غيرهم فى السيتر وهكذا واللى مش هيستوعب النقطه دى انا على استعداد انى اشرحها له اذن راس المال المطلوب حاليا 350 جنيه بيض + 1800جنيه مفرخه + 150 جنيه عربيه هتجيب المفرخه كده الاجمالى
2300 جنيه مصري طبعا

عندنا المفرخة وعندنا البيض طبعا حرارة تحضين السمان 37.7 هزود الماء فى المفرخه وشغلها قبل ما احط البيض بيوم على اقل تقدير بعد زالك يتم تجميع البيض و انتخاب البيض .

طيب لو عندنا البيض فى مبرده لازم درجة حرارة المبرده متزدشى عن 15 درجه مئويه والنخزين لمدة 6 الى 7 ايام ولما نخرج البيض من المبرده هنسيبه فى درجة حرارة الغرفه لمدة 8 سعات حتى يكتسب البيض درجة حرارة الغرفه .

يتم رص البيض فى الادرج حيث تكون الناحية المدببة الى اسفل والعريضة الى اعلي يتم وضع البيض فى المفرخه .

الان يجب تجهيز المكان او العنبر لاستقبال السمان عمر يوم من المفرخه اولا يجب تجهيز غرفه ولو تكن 2 متر مربع او 3 متر مربع حسب المتوفر وتكون مجهزه ب عدد 5 اطباق بلاستيك سعر الطبق لايتعدى 4 جنيه عدد 5 ساقيات مياه لتر سعر الواحده 5 جنيه تقريبا يتم طبعا تطهير الغرفه بالماء السخان مره ثم بالفنيك ونتركها تجف ثم نرش جير حى على الارضيه وبعد ذالك يتم فرش التبن ويفضل التبن مع السمان وانا لاافضل النشاره عموما يمكن تطهير الغرفه باستخدام ( 30 سم فورمالين +17.5 جرام برمنجنات بوتاسيوم + 50 سم ماء ) لمدة ساعه طبعا لو عملت كده ميكنشى موجود فى الغرفه اى شئ من الادوات التى سوف تستخدم يعنى ( السقايات + العلفات ....الخ )

انتهينا من التطهير
هنجط فى السقيات ماء وسكر يعنى كل سقايه حوالى معلقتين سكر او 10 جرام للتر ده فى اول 4 سعات وده علشان نتلاشى ظهور السالمونيلا والايكولاى علشان طبعا السمان يستهلك البروتين اللى موجود فى كيس المح ومن المهم فى اول 4 سعات انك تدخل بنفسك وتعمل على تحريك السمان حتى يستهلك البروتين الموجود فى كيس المح .

انا بحضن عموما على مضاد حيوى ثنائى الغرض معوى وتنفسى وفى امثله كتيير بس اهم حاجه يكون معوى وتنفسى ( ايفتريل – انروسين .....الخ ) زى ما قلت اى حاجه معوى وتنفسى ده لمدة 3-4 ايام بعد كده حط فيتامين  اد3منه بس ياريت اجيب نوع كويس فى 130 جنيه وفى ب 17 جنيه سائل.

وفي نوع كمان سعره 26 جنيه حط سم للسقايه اللى هى لتر طبعا.

ملحوظه :- يتم وضع ظلط فى الساقايه بس مش من جوه طبعا بعدما يتم قلبها يتم وضع ظلط على الاجناب علشان السمان بيكون صغير وعلشان ميغرقشى .

طبعا العلف
من عمر يوم الى ال 45 يوم ده طبعا علف تسمين غير البياض
اولا التسمين :- انا هعملها لل 100 كيلو

60 ذره + 28 صويا +10 مركزات تسمين + 2 كيلو زيت صويا + نص كيلو املاح وفيتامينات + ممكن تحط مضاد كوكسديا وممكن لا انا بصراحه مش بحط بس لو حبيت تحط هيوكن 200 جرام للطن يعنى ال 100 كيلو 20 جرام + 2 كيلو ثنائى فسفات الكالسيوم + ملح طعام حتحط 2 كيس الكيس 350 جرام مش فاكر حاجه تانى لو لفتكرت هبقى اعدلها

ثانيا البياض :- لل 100 كبلو

65 ذره + 22 صويا 10 مركزات بياض + نص كيلو املاح وفيتامينات + مضاد للكوكسديا ضرورى ( امبورال – امبورليم – فيتاكوكس ) ممكن فى العلف او الماء طبعا 20 جرام لل100 او 200 للطن +2 كيلو ثنائى الفسفات + 2 كيس ملح طعام + نص كيلو بريمكس بياض
ده بالضافه اننا هنحط اد3ه على فترات مش باستمرار

طبعا العلف ممكن تجهزه فى مجرشه افضل بس ليا ملاحظه بسيطه لازم المكونات الصغيره زى الاملاح المعدنيه والفيتمينات ومضاد الكوكسديا والثنائى وملح الطعام والبريمكس وغيره يتم خلطهم مع 10 كيلو علف خلط جيد يدوى لمده طويله وبعد كده يتم اضافتهم على باقى العلف ويتم التقليب .

كده العلف موجود والسمان غرفة التحضين طبعا هنزودها بدفايه يدويه بتشتغل بالكهرباء ودى مش هتكلف 10 جنيه انا بعملها على اديا + شعله غا ز انبوبه كبيره طبعا درجة حرارة التحضين لا تزيد عن 36 الى 37 وطبعا هتعرف ان السمان متاقلم مع درجة الحراره او لا عن طريق الانتشار يعنى لو منتشر هيبقى كويس لو متجمع على الدفايه هيبقى درجة الحراره قليله.

طبعا الاضاءه علشان مش انسى اول ثلاث ايام انا بشغلها على طول لاكن بعد كده بفضل اخفض فيها لحد متوصل ل 14 ساعه

طبعا السمان هيفضل فى غرفة التحضبن حتى عمر 15 يوم طبعا فى تربيه ارضيه وفى تربيه فى بطاريات طلعا التربيه الارضيه تكاليفها اقل ولاكن مشاكلها كتييره ولاكن التربيه فى بطايات تكاليفها اعلى ولاكن مشاكلها اقل.

طبعا فى بطاريات للسمان عمر يوم حتى 15 وفى بطاريات من عمر التسمين حتى البيع وفى بطاريات للبياض .


طيب انا هتكلم عن بعض المشاكل التحضين
فى من 3 الى 4 مشاكل ممكن يوجهونا وهما
1- ارتفاع نسبة النافق وده ناتج من عدم التحضين على مضاد حيوى قووووى او انه يكون فى مشاكل فى ماكينة التفريخ يعنى الماكينه تكون حامله للامراض فتنتقل الامراض من الماكينه الى البيضه وهكذا الاهمال يعنى ان المسئول عن المكان لا يهتم برفع النافق اول باول مما يؤدى الى نقر السمان فيه وانتشار الامراض .
2- ان ترتفع درجة الحراره او العكس مما يؤدى الى فقدان الشهيه
3- العلف غير جيد يؤدى الى مشاكل لا حصر لها ومنها ضعف عام للطيور كساح اوزان غير قياسيه بنهاية الدوره زيادة النافق .
4- ادخال اعمار مختلفه
5- عدم التطهير اول باول حيث ان الدورات سريعه مما يؤدى الى انتشار الامراض
6- عدم تغيير المياه مما يؤدى الى ارتفاع درجة حرارتها وتؤثر على الطائر
7- لابد من وضع سلك شبك واسع من عمر 5 ايام حتى 15 يوم لان طائر السمان له عاده سيئه وهى عادة ( النكش ) مما يؤدى الى فقد فى العلف


************************************************** *********

ننتقل الى غرفة التسمين

يجب الا تقل درجة الحراره عن 25 درجه مئويه وبعد عمر 21 يوم درجة حرارة الغرفه هتكون مناسبه
طبعا يتم تقديم نفس علف التسمين مع مرعاة زيادة العلفات وزيادة السقايات ووضع السقيات على طوب او لو التربيه فى بطاريات لا نحتاج الى ذالك طبعا يتم قياس اوزان السمان اولا باول


هنستخدم قيتامين اد3ه خلا هذه المده ( 25 يوم ) حوالى مرتين يعنى 6 ايام فقط.

كما يمكن تربية السمان المخصص للتسمين فى بطاريات.

ننتقل الى غرفة البياض
طبعا غرفة البياض نسبة الذكور الى الاناث لابد ان تكون ذكر الى 2 انثى وده افضل او التربيه فى بطاريات ذكر لانثى
طبعا هنستخدم علف البياض
طيب

تمييز الجنس فى السمان

اولا فى طريقتين

الاولى عن طريق بسيطه وهى ان الذكر يتميز بان الريش الذى يوجد فى صدره يميزه اللون البنى المحمر اما الانثى فيميزها ان الريش ابيض به نقط سوداء ولاكن عن تجربه هذ القاعده ليست ثابته


الثانيه وهى الطريقه اليابانيه وهى من ادق الطرق المتبعه حيث يقلب الطائر على ظهره وتفحص فتحة المخرج حيث يتميز الذكر عن الانثى بوجود غده تسمى كلوكا ام الانثى فلا يوجد بها الغده ويتم التمييز فى عمر اسبوعين.

اخر حاجه موضوع جمع البيض طبعا مفيش اسهل منه
يتم اختيار البيض الصالح للتفريخ الخالى من الكسور ذو حجم طبيعى لابد ان يكون نظيف يصل وزن البيضه الى 9 جرام تقريبا ووزن الكتكوت عمر يوم حوالى 6 جرام
*************************************************
اخيرا يستهلك الطائر البياض فى حدود 40 الى 50 جرام علف يوميا من الاسبوع التاسع واعلى فترة انتاج للسمان تستمر لمدة 7 شهور.

نقطه كمان

طيب المفرخه اللى سعرها 1800 جنيه دى موجوده عند شركه اسمها الصعيدى فى طنطا 

البداية: غرفة بها عدد 450 سمانه عبارة عن 300 انثى + 150 ذكر
**التجربة هى شراء ماكينه تفريخ يدوية التقليب سعتها 600 بيضة سمان سعر الماكينه 800 جنية
** سعر شراء قطيع الامهات 450 سمانه ×150 قرش =675 جنية
**العليقة المستخدمة فى التغذية
500 كجم عليقة كل شهر
سعر طن العليقة =960 جنية
**العليقة المستخدمة فى الشهر 480 جنية
**شراء 2 حمل تبن نظراط لان التربية كانت ارضية وليست بطاريات بسعر الحمل 65 جنية =130 جنية تبن
**الادوية البيطرية الشهرية فى حدود ال 120 جنية
**رأس مال المشروع الثابت=675 جنية قطيع امهات +ماكينه تفريخ =800 جنية
الاجمالى لرأس المال الثابت =1475 جنية+200 نقل ونثريات اخرى=1675 جنية
**التكاليف التشغيلية او المتغيرة =480 جنية ثمن 500 كجم عليقة (نصف طن)
**ادوية بيطرية 120جنية
**تبن واضاءة ومواصلات 100 جنية تقريبا"
**أجمالى التكاليف المتغيرة الشهرية =480+120+100=700 جنية
** الايرادات الشهرية = متوزسط انتاج قطيع الامهات اليومى من البيض لا يقل عن 260 بيضة يوميا" - بعد الفرز واستبعاد الغير مطابق والغير صالح للتفريخ والمكسور =250 بيضة يوميا" مع العلم انن كنت اتحصل على اكثر كم 260 بيضة وقد اصل فى بعض الايام بل اغلبها الى 275 بيضة سمان
**كل خمسة ايام يتم دخول 1250 بيضة الى ماكينه التفريخ
**ناتج الفقس من ال 1250 بيضة كان لا يقل عن 960 ولا يزيد عن 1120 ولكن سنعتبر المباع الرسمى فعلا" كان فى حدود ال 950 كتكوت عمر يوم
** سعر بيع الكتكوت عمر يوم 35 قرش
**اجمالى الايرادات كل خمسة ايام 950×35 قرش=285 جنية
**اجمالى مبيعات الشهر =285 كل خمسة ايام × 6 دورات =1710 جنية شافى او اجمالى ايرادات
**للعلم كان سعر البيضة وقتها 10 قروش لكن وقتها كنت لا ابيع بيض وانما مشروعى كان لانتاج الكتكوت وبيعة للمربين
**خلاصة المشروع الصغير من تجربتى هى
**يمكن ادراجها تحت كلمه صافى الربح ا للمشروع = عبارة عن تكاليف الشهر 1710-700 =1010 جنية شهريا"
**ملحوظة تم تغيير قطيع الامهات مرتين فى العام كل 6 شهور مرة وتم بيع الامهات كسمان لحم وتم استبدال القطيع بقطيع اخر بنفس السعر او اقل قليلا"
**كل ما سبق كان تجربتى فى السمان
**والان نأتى الى تحليل الدراسة وتقييمها بسعر اليوم
**بافتراض ان حجم المشروع سيكون صغيرا" بنفس حج المشروع الذى بدأت به
1- سعر ماكينه التفريخ اليدوية التقليب ايضا" 1800 جنية سعتها 6000 بيضة سمان
2- سعر قطيع الامهات 450 سمانه ×3جنية=1350 جنية (يراعى ان بهذا السعر سنقوم بفرز وانتخاب قطيع الامهات )
3- سعر طن العليقة اليوم 2250 جنية (شركة القاهرة للدواجن)
4- تكاليف او التبن والاضاءة وكهرباء الماكينة 200 جنية شهريا"
**التحليل
**رأس مال المشروع الثايت = 1800 ماكينة تفريخ+1350 قطيع امهات+250 جنية نقل ومواصلات ونثريات لرأس المال الثابت=3400 جنية
**رأس مال المشروع المتغير او المستهلك كل شهر =
1125 جنية (نصف طن عليقة شهريا")
**200 جنية ادوية بيطرية
**150 جنية نثريات
**100 كهرباء
**اجمالى التكاليف المتغيرة =1575 جنية شهريا"
**ايرادات المشروع
950 كتكوت كل خمسة ايام × 50 قرش =475 جنية
**الايرادات الشهرية =475 جنية كل خمسة ايام × 6 دورات فى الشهر =2850 جنية
**صافى الربح فى الشهر = التكاليف الشهرية – الايراد الشهرى =2850-1574=1275 جنية صافى الربح من قطيع حجمة او عدد 450 ام
**ومن هنا ناتى الى حساب تكاليف دورة سمات لانتاج اللحم قوامها 1000 سمانه ونقول بعون الله
** اجمالى سعر الكتكوت 50 قرش ×1000=500 جنية
** سعر العليقة (500 كجم –نصف طن )=1125 جنية
**فرشة واضاءة وتدفئة ونثريات اخرى 150 جنية
**ادوية بيطرية 100 جنية
**اجمالى التكاليف = 500+1125+150+100=1875 جنية
**العدد النهائى بعد خصم 10% نفوق بافتراض أسوأ احوال النفوق وارتفاع نسبتها
** اجمالى الصافى من السمان 900 سمانه × 2.5 جنية=2250 جنية
**صافى الربح فى الدورة من تربية 1000 سمانه = 2250-1875=375 جنية
** وهنا نقطه هامة تتضح وهى ان العمل فى مجال انتاج البيض وتفريخة وبيع الكتكوت والبيض اربح واوفر واقصر الطرق من حيث التكاليف واختصار الجهد والمال والوقت
** الاخوة الاعضاء هذا هو الواقع للسمان وحقيقتة ولكن هناك بعض الامور التى ترفع الاسعار مثل العرض والطلب يعنى ممكن فى بعض المناطق نجد سعر بيع السمانه عمر 35 يوم مثلاط 3 جنية وقد يصل الى 4 جنية لكن ليس هذا قانونا" على اسعار السمان فى انحاء الجمهورية وايضاط ان من اهم عيوب تربية السمان عدم وجود برصة للاسعار تحدد اسعار البيع والشراء.

شارك !